Fatjona Memçaj po intervistohet në Këshillin e Lartë të Drejtësisë. Ajo është kandidate për Prokurore e Përgjitshme me mandat të plotë 7-vjeçar, që pas vlerësimit në KLD do kalojë për votim në parlament.
Znj. Memçaj pasi bëri prezantimin e saj, u ndesh edhe me pyetje të vështira. Anëtarja e KLP-së e pyeti për emërimin e saj në 2013 si prokurore në Apel, duke i thënë: “Emërimi juaj ka detyruar PP-në dhe Presidentin te shkelin ligjin duke ju emëruar, sepse nuk plotësonit 7 vitet për t’u bërë prokurore. Çfarë mendoni atëherë për veten tuaj? Ka ndonjë vlerë të jashtëzakonshme profili juaj, që këto dy instiucione kanë arritur t’ju propozojnë dhe dekretojnë?”
Memcaj u përgjigj se “unë nuk e kam shkelur asnjëherë ligjin, por as institucionet nuk e kanë shkelur ligjin për mua. Asokohe jam propozuar nga Prokurori i Përgjithshëm tek Presidenti. Kandidatura ime u shqyrtua në Këshill, ku kam marrë 5 vota nga 6 që ishin gjithsej. Aty ka qenë edhe përfaqësuesi i Presidentit. Ka qenë interpretim ai për ‘shkelje ligji’, por në fakt nuk ka patur shkelje. Nuk mund ta bënte këtë presidenti për hatrin dhe profilin tim”.
Memçaj ka përfunduar Shkollën e Magjistraturës, ndërsa ka kryer Doktoraturën në Middlesex University, si edhe ka kryer master në University of East London.
Dekreti i Nishanit i vitit 2013
*Fotot nga Florion Goga
