Xhemi Shehu është rikthyer në “Portokalli”. Ndërkohë që sot në mëngjes ishte e ftuar në emisionin “Wake Up”, Xhemi është shprehur se historia e saj me programin e humorit është si ajo e një dashurie.
“Rikthimi im në “Portokalli” është si tamam një histori dashurie nga këto që zihesh, ndahesh dhe bashkohesh prapë se të merr malli se nuk shkëputesh dot. Është e pabesueshme, unë nuk e dija që do rikthehesha. Nuk e mendoja këtë rikthimin. Madje kisha menduar se isha shkëputur përfundimisht nga ekrani. U futa pak në shina me “Qesh mirë kush qesh i fundit” por ai ishte një format i shkurtër. Mendoj se nuk më janë ndezur mirë motorët se pas dy vitesh shkëputje duhet pak punë. Por, ndjesia ime është sikur nuk jam shkëputur asnjëherë duke qenë se edhe me kolegët kam pasur kontakte. Në fakt Salsano u bë shkak i rikthimit. Ai realizoi një takim mes meje dhe drejtuesve dhe ramë dakord për një rikthim”, u shpreh Xhemi në “Wake Up”.
Ajo u pyet edhe lidhur në lidhje me bashkëpunimin me moderatoren Fjoralba Ponari. Xhemi tha se nuk ka asnjë rivalitet mes të dyjave dhe se është me fat që moderon krah saj.
