Arsenal-Leicester, ndeshja e javës së 34-t të Premier League, është mbyllur në barazim 1-1. Topçinjtë kanë humbur një mundësi të artë për të mbajtur gjallë ëndrrën Champions League, që tani është 9 pikë larg kur kanë mbetur edhe katër ndeshje nga fundi i kampionatit.
Arsenal ka kaluar në avantazh në minutën e 21-të me Aubameyaang, që është bërë vetëm lojtari i dytë në historinë e Topçinjve që ka shënuar të paktën 20 gola në dy sezone radhazi të Premier League, pas Thierry Henry (pesë sezone radhazi mes 2001-02 dhe 2006-076).
Episodi që ka ndryshuar ndeshjen ka ardhur në minutën e 75-të kur Nketiah, i futur në fushë në minutën e 71-të, është ndëshkuar me karton të kuq në minutën e 75-të pas një ndërhyrje të rëndë dhe ka lënë më 10 lojtarë vendasit.
Leicester ka përfituar nga superioriteti numerik dhe ka shënuar golin e barazimit me Vardy-n në minutën e 84-t. Dhelprat mbajnë vendin e katërt në renditje me 59 pikë.
Etiketa: Arsenal, Leicester
