Një francez që ka kaluar më shumë se katër muaj duke lunduar nëpër Oqeanin Atlantik në një fuçi gjigante, ka arritur së fundmi në destinacion, Karaibe.Jean-Jacques Savin vendosi që më 26 dhjetor të vitit që lamë pas, të nisej me një ‘kapsulë’ ngjyrë portokalli nga ishujt Kanarie (jashtë brigjeve të Afrikës) drejt perëndimit.
71-vjeçari i kaloi katër muajt e parë të vitit 2019 në fuçinë e ndërtuar vet, duke udhëtuar rreth dy kilometra në orë pa motor.Ai i habiti vendasit kur u shfaq në bregun e detit të ishullit të vogël të Shën Eustatiusit, pak pas mesnatës së javës së shkuar. “Gjithçka e ka një fund … më në fund! Këtu jam në përfundim të kësaj aventure”, shkroi ai në “Facebook” të premten, pasi shkeli tokën për herë të parë këtë vit.
Savini u përshëndet për iniciativën e tij nga një qendër zhytjeje në Shën Eustatius dhe madje i dha edhe një dhomë hoteli në ishull, i cili ka një popullsi prej vetëm 3,000 vetësh.
Fuçia portokalli,e ndërtuar nga duart e 71-vjeçarit, është vetëm 10 metra e gjatë dhe 7 metra e gjerë;përfshin një kuzhinë, një shtrat të vogël dhe hapësirë për ruajtje.
