Aktualitet

Flamur Noka: Tahiri ka përgjime të Ramës dhe ministrave








Bëni LIKE faqen zyrtare në Facebook
               Publikuar në : 18:33 - 20/09/19 |
mapo.al

Ish-ministri i Brendshëm, Flamur Noka, ka bërë sot një deklaratë të fortë, ndërsa tha se Saimir Tahiri i ka përgjuar të gjithë, përfshirë edhe një pjesë të ambasadave të huaja. Në një intervistë në “Top Talk” në Top Channel, zyrtari i Partisë Demokratike tha se me këto përgjime Tahiri kontrollon “Shefin e Madh”, ndërsa nënkuptonte kryeministrin Edi Rama.



Sipas Nokës, me pajisjen Imsi Catcher është përgjuar opozita dhe ambasadat e huaja në Tiranë. Ai theksoi se ish-ministri Tahiri nuk ka patur nevojë të shantazhojë ambasadorët sa kohë shantazhon kryeministrin e vendit.


“Pajisja Imsi Catcher, fakti që u fut në mënyrë të fshehtë dhe që ka lëvizur në të gjitha institucionet ku ka opozitë, përfshirë edhe ambasadat e rëndësishme, do të thotë që ajo lëviz vetëm për të përgjuar dhe ka një rreze përgjimi. Nuk ka patur nevojë të shtantazhojë ambasadat e huaja sepse ai ka shantazhuar dhe ka në xhep kryeministrin e vendit”, tha Flamur Noka.



I pyetur për vendimin e Gjykatës së Krimeve të Rënda për dënimin e Tahirit me shërbim prove, Noka tha se Partia Demokratike nuk kishte asnjë pritshmëri, pasi procesi u shkatërrua, sipas tij, nga kryeprokurorja Arta Marku.

Lexo edhe :  Rama: Në raportet mes Turqisë dhe Greqisë, unë jam ngritës urash


“Pritshmëritë tona i kemi publike që ditën që është emëruar kryeprokurore PPP-ja me emrin Arta Marku. Që ditën që Prokuroria e Krimeve të Rënda u shkatërrua me një të rënë të lapsit dhe hetimi i sapo i nisur nga ish-ministrit Tahiri u ndërpre. Që në atë kohë ne kemi bërë me dije se e gjitha kjo ishte një skenar i Edi Ramës për të shkatërruar hetimin ndaj Saimir Tahirit, pasi siç u vërtetua dje, Edi Rama është peng i Saimir Tahirit, ndërsa drejtësia është peng te Edi Rama. Nuk kemi patur ndonjë pritshmëri në lidhje me vendimin. Por vendimi ishte shok për opinionin publik sepse tregoi që drejtësia e re e Edi Ramës është drejtësi e vdekur”, tha Noka.


LEXO EDHE:

“Saimir Tahiri”, reagon ambasada e SHBA: Dënimi është shkurajues


Etiketa: , , ,

CLOSE
CLOSE
Pas