Merkato është ndoshta gangrena më e madhe për të shkatërruar klube dhe për të ndrequr disa të tjerë, sidomos nëse paratë futen në mes dhe aspekti ekonomik ka më shumë rëndësi. Kështu, kampionati norvegjez, që po i drejtohet fundit duke qenë se kanë mbetur edhe pak javë përpara se të ulet sipari, sheh në krye ish-ekipin e Solskjaer, Molde, por menjëherë ndjek surpriza ose hirushja e madhe, Bodo-Glimt, që po shet të gjithë talentet dhe yjet!
I fundit, me largim të menjëhershëm është Amor Layouni (26 vjeç), protagonist i Eliteserien, pasi ka shënuar 10 gola dhe dhënë 8 asist. Largohet nga Norvegjia në fund të kampionatit për të udhëtuar për në Egjipt, ku e presin miliarderët Pyramids FC.
Në arkat e klubit që kurrë nuk e ka fituar titullin futen 1,5 mln euro, edhe pse tashmë në garën për titull mund të zbehen shpresat. Kështu pritet të përfitojë Rosenborg, me 39 pikë dhe momentalisht jashtë Europës. Odd Ballklub qëndron e treta ende.
