Leo Messi doli sot në konferencë për shtyp për t’i dhënë lamtumirën Barcelonës.
Menjëherë sapo hyri në sallën e konferencave dhe u prit nga duartrokitjet e shokëve të ekipit dhe gazetarëve, argjentinasi shpërtheu në lot.
Pasi e mori veten, Messi tha se kurrë nuk e mendonte se do të vinte dita që të largohej në këtë mënyrë.
“Nuk e mendoja kurrë se do të ikja kështu, mendoja se do të largohesha në fushë, me shokët dhe tifozët pranë. Po largohem pa i parë tifozët dhe nuk doja të përfundonte aventura ime pa ata pranë. Por, kështu shkuan punët dhe vetëm dua t’i falenderoj të gjithë tifozët për vitet që kaluam bashkë”, tha Messi.
“Unë bëra të pamundurën që të vazhdoja karrierën me Barçën. Doja të luaja ende këtu. Sezonin e kaluar nuk doja dhe e thashë, por këtë sezon doja të luaja ende me Barcelonën. Pranova ta përgjysmoj pagën, por nuk ishte e mundur…”, shtoi Messi.
