Aktualitet

Nuk i ndalon patrullës dhe përplas efektivin, 32-vjeçari arrestohet pas ndjekjes nga policia




Bëni LIKE faqen zyrtare në Facebook
               Publikuar në : 12:59 - 01/10/20 |
mapo.al

Një ngjarje e rëndë ka ndodhur në rrugën Fushë Krujë-Tiranë, ku një makinë tip “Audi” ka përplasur një punonjës policie duke mos iu bindur urdhrit për të ndaluar. Efektivi është dërguar me urgjencë në Spitalin e Traumës në Tiranë, ku ndodhet nën kujdesin e mjekëve, jashtë rrezikut për jetën.


Ndërsa drejtuesi i mjetit- K.B., 32 vjeç, banues në Fushë Krujë- ndonëse u largua me shpejtësi pasi aksidentoi punonjësin e Policisë Rrugore, është vendosur në pranga. 32-vjeçari që drejtonte mjetin, rezulton si person me precedent kriminal në fushën e armëmbajtjes pa leje dhe heqjen e paligjshme të lirisë.


Grupi hetimor ndodhet në vendngjarje dhe po punon për zbardhjen e ngjarjes. Materialet do t’i kalojnë Prokurorisë së Rrethit Gjyqësor Krujë, për veprime të mëtejshme.



Njoftimi i Policisë:


Nuk i bind urdhrit për të ndaluar, aksidentoi punonjësin e Policisë dhe u largua nga vendngjarja, kapet në kohë rekord autori i dyshuar.


32-vjeçari që drejtonte mjetin, person me precedent të theksuar kriminal në fushën e armëmbajtjes pa leje dhe heqjen e paligjshme të lirisë.

Më datë 01.10.2020, rreth orës 12:00, në aksin rrugor Fushë Krujë-Tiranë, në një nga pikat e kontrollit e ngritura në kuadër të Planit të Masave, për parandalimin dhe goditjen e paligjshmërisë, kapjen e personave në kërkim dhe atyre që lëvizin me armë zjarri, shërbimet e Policisë i kanë shenjë një mjeti tip “Audi” për të ndaluar, por drejtuesi është larguar me shpejtësi duke aksidentuar punonjësin e Policisë Rrugore, i cili është dërguar në spital, nën kujdesin e mjekëve, jashtë rrezikut për jetën.

Shërbimet e Policisë i janë vënë menjëherë në ndjekje dhe e kanë arrestuar në flagrancë shtetasin K. B., 32 vjeç, banues në Fushë Krujë.

Ky shtetas ishte shpallur në kërkim në vitin 2012, për veprat penale “Armëmbajtje pa leje” dhe “Heqja paligjshme e lirisë”.

Grupi hetimor ndodhet në vendngjarje dhe po punon për zbardhjen e ngjarjes.

Materialet do t’i kalojnë Prokurorisë së Rrethit Gjyqësor Krujë, për veprime të mëtejshme.


Etiketa: , , ,

Pas