Aktorja Adriana Matoshi ka folur për herë të parë për ndarjen nga futbollisti afrikan, Keith Groeneveld, lidhja e të cilëve bëri shumë bujë në mediat tona, për shkak të diferencës së tyre në moshë.
Në një intervistë për mediat kosovare, aktorja dhe deputetja Matoshi tha se e kanë parë të arsyeshme për të mos vazhduar më bashkë. Mes shumë arsyeve, ajo ka përmendur edhe faktin që futbollisti dëshironte që të krijonte një familje dhe të kishte fëmijë.
“Po është e vërtetë që ne nuk jemi më. Thjesht jemi ndarë se e kemi parë të arsyeshme mos me qenë bashkë. Ka shumë arsye se pse, por mund të them se nëse unë do të kisha qenë egoiste, do të ishim akoma bashkë. Kam menduar për më larg dhe nuk kam thënë kurrë se do të zgjasë tërë jetën. Keith ka dashur shumë të krijojë familje. Unë nuk kam qenë ai personi që kam dashur të kem edhe një fëmijë tjetër. Keith ka qenë shumë më i ri në moshë se unë dhe e kam parë që atij i duhet të ecë përpara, të fokusohet në punën e tij, në profesionin e tij dhe jo të jem unë prioriteti në jetën e tij”, tha aktorja.
Ajo është shprehur falenderuese që ish-i dashuri i ka qëndruar shumë pranë gjatë kohës që ajo u bë operacion dhe kaloi një moment të vështirë në jetën e saj.
