Në fshatin Qatrom të Korçës një grup punonjësish të një fasonerie kanë dalë të protestojnë se nuk kanë marrë ende pagën e luftës.
Nga 55 punonjës që ka fasoneria, gjysma e tyre e kanë marrë këtë pagë, pasi janë të regjistruar te një bankë tjetër e nivelit të dytë.
Sipas ekonomistes së firmës procedurat janë kryer brenda afateve dhe gjithçka është referuar pranë Degës së Tatimeve, Korçë.
Janë 22 punonjës të cilët nuk e kanë përfituar këtë pagë, pasi te banka e nivelit të dytë ku ata tërheqin pagën u është thënë se fondi është çelur, por nuk është bërë disbursimi i pagës.
Po sipas drejtuesit të bankes së nivelit të dytë ngërçi për t’u zgjidhur është mes ekonomistes së firmës dhe degës së thesarit.
Ndërsa drejtuesi i Drejtorisë Rajonale Tatimore Korçë, Tomi Tontonozi bën me dije se nga ana e tyre janë dërguar në thesar të gjithë emrat e punonjësve dhe se fondi për pagën e luftës është aprovuar.