Pep Guardiola i është përgjigjur pakënaqësisë së tifozëve të Manchester City, shkurt dhe në mënyrë lakonike.
“Nuk kam ndërmend të kërkoj falje”, tha ai.
Debati nisi pas komenteve të trajnerit, nisur nga përballja e fundit në Champions League, në stadiumin Etihad, që ishte në gjysëm të kapacitetit.
Guiardiola u shpreh se do të donte më shumë mbështetës në stadium.
Organizatorët dhe udhëheqësit e tifozëve e kanë marrë këtë si një sulm dhe deklaratë fyese. Ata kanë kërkuar që Guardiola të kërkojë falje. Spanjolli nuk ka ndërmend ta bëjë. Ai ka thënë se interpretimet janë interpretime, dhe se ai nuk ka shprehur pakënaqësi.
Duhet të kujtojmë se në ndeshjet e Premier League, në ato të javëve të para, Etihad ka qënë pothuajse plot. Ndërsa kundër Leipzig, në Ligën e Kampioneve, pothuaj përgjysëm.
Guardiola, ka shkuar edhe më tej, duke thënë se; nëse nuk më duan, unë largohem.
