Aktualitet

Nuk ndalet droga në Portin e Durrësit, sekuestrohen 10 kg kokainë në konteiner














Bëni LIKE faqen zyrtare në Facebook
               Publikuar në : 13:44 - 07/09/21 |
mapo.al

Një tjetër sasi droge është zbuluar në Portin e Durrësit.






Nga kontrollet e ushtruara në disa prej konteinerëve, në njërin prej tyre janë gjetur 8 pako me lëndë narkotike të dyshuar kokainë, me peshë rreth 10 kg.


Kokaina është konstatuar në një konteiner me banane që vinte nga Ekuadori me destinacion Shqipërinë.







Mësohet se edhe kjo ngarkesë është gjetur në konteinerin e kompanisë së frutave “Alba Exotic Fruit”, në pronësi të Eduart Dautit, i cili vijon të jetë në kërkim.




Kjo është hera e pestë që sekuestrohet kokainë në konteinerët e kësaj kompanie. Agjentët e anti-drogës po kryejnë kontrolle në Portin e Durrësit.



Njoftimi i Policisë

Port, Durrës

Vijon operacioni policor i koduar “Rada”, për goditjen e veprimtarisë kriminale në fushën e trafikimit të lëndëve narkotike. Në kuadër të operacionit “Rada”, të nisur më datë 13.07.2021, në Portin e Durrësit, ku nga Task Forca permanente e përbërë nga Policia Kufitare, strukturat hetimore të Drejtorisë Vendore të Policisë Durrës dhe autoritet doganore të Portit janë gjetur dhe sekuestruar lëndë narkotike kokainë në një nga kontenierët për llogari të firmës “Alba Exotic Fruit”, tjetër sasi kokaine është sekuestruar ditën e sotme.

Në vijim të operacionit “Rada”, ditën e sotme, nga Task Forca permanente që vepron në Portin e Durrësit, është ushtruar kontroll i imtësishëm në një nga kontenierët i ngarkuar me banane i ardhur nga Ekuadori, për llogari të kësaj firme, ku si rezultat i kontrollit të imtësishëm në pjesën fundore te kapakët e motorrëve frigoriferike, u gjetën dhe u sekuestruan 8 pako me lëndë narkotike të dyshuar kokainë.

Task Forca permanente që operon në Portin e Durrësit vijon veprimet hetimore, nën drejtimin e SPAK-ut. Në nisje të operacionit, nga taskforca permanente që vepron në hyrje dhe në dalje të Portit të Durrësit, më datë 13.07.2021, është arrestuar në flagrancë shtetasi B. G., (menaxheri i firmës) dhe është shpallur në kërkim administratori i firmës shtetasi E. D.

1


Etiketa: , ,

CLOSE
CLOSE
Pas