Aktualitet

Nuk ndaluan, policia holandeze qëllon kamionin e shqiptarëve/FOTO






               Publikuar në : 20:19 - 15/05/19 |
mapo.al

Një kamion me mallra të vjedhura që drejtohej nga një shqiptar, është bllokuar nga policia në Holandë. Ngjarja ka ndodhur mbrëmjen e djeshme në autostradën A67 në qytetin Veldhoven. Sipas mediave holandeze, autoritetet i bën shenjë kamionit me targa të huaja që të ndalonte në postbllok, por shoferi refuzoi dhe vazhdoi të udhëtonte. Në këtë moment, punonjësit e policisë qëlluan me armë në ajër për paralajmërim, por nuk pati asnjë të lënduar.


Kamioni shoqërohej nga një automjet i dytë me të cilën udhëtonin pesë persona. Dy mjetet refuzuan urdhrin e policisë dhe ndaluan disa kilometra më tutje. Shoferi i kamionit dhe shoferi i dytë, si dhe pesë personat që ndodheshin në autoveturë braktisën mjetet dhe u arratisën në këmbë. Efektivët holandezë që u vunë në ndjekje të tyre mundën të arrestonin vetëm shoferin e kamionit, një 46-vjeçar shqiptar identiteti i të cilit nuk bëhet i ditur. Kurse 6 personat e tjerë ende nuk janë gjetur edhe pas kërkimeve intensive.

Policia tha se brenda kamionit u gjetën mallra të vjedhura, të tilla si celularë, sende elektronike dhe rroba. Madje edhe kamioni rezultonte i vjedhur. Autoritetet holandeze po marrin në pyetje shqiptarin e arrestuar dhe njëkohësisht vazhdojnë kërkimet për kapjen e bashkëpunëtorëve të tij të arratisur. Hetuesit dyshojnë se këta persona janë pjesë e një grupi grabitësish./tv klan/


Etiketa: , ,

KOMENTO (0)

Shkruaj nje koment

Your email address will not be published. Required fields are marked *

* *

CLOSE
CLOSE
Pas