Familjarët e 3 vëllezërve Myslymi që kanë dalë sot para gjykatës, ku dhe është dhënë masa e sigurisë, kanë shpërthyer me akuza dhe ofendime ndaj forcave të policisë pas vendimit të gjykatës.
Ata thonë se pas hekurave duhet të shkojë gjykatësi dhe noteri, dhe jo të padrejtët që sipas tyre janë tre vëllezërit.
“O gjykatës të degjeneruar, shtet që të merr pronën dhe të fut brenda“.
“O plehra lërini. Çfarë kanë bërë ore plehra ?! Merrni gjyqtarin o ndyrësira, e ka gjyqtari vendin aty”, dëgjohet të thonë familjarët”.
“Problemi është se kam një pronë dhe firma e merr pronën time edhe e shet prapë. Gjykatës merr lekët, kjo është e treta herë që kjo çështje gjykohet. Në vend që të vendoseet gjykatësi i Vlorës brenda, por shkojnë këta vëllezër që janë modeli i Vlorës. Nuk kam fjalë jam e shokuar. I drejti futet në burg, i padrejti livadhis“- shprehen ata.
Është dhënë masa e sigurisë për tre vëllezërit Myslimi, të cilët ditën e djeshme dhunuan gjyqtarin Arqile Basho, në ambientet e brendshme të Gjykatës për çështje prone.
Mësohet se Fatosh Myslimit i është dhënë masa e sigurisë “Arrest me burg”, ndërkohë Myslim dhe Elmaz Myslimi janë lënë në “Arrest Shtëpie”.
