Organizata Botërore e Shëndetësisë do të dërgojë ekspertë ndërkombëtarë në Kinë për të hetuar origjinën e koronavirusit. Lajmin e ka bërë të ditur vetë OBSH përmes një deklarate.
Kina dhe OBSH ranë dakord që ekspertët të punojnë me homologët kinezë për një përgjigje globale ndaj kësaj situate.
Marrëveshja pason bisedimet në Pekin, midis shefit të OBSH-së, Tedros Adhanom Ghebreyesus dhe presidentit kinez, Xi Jinping.
“Ndalimi i përhapjes së këtij virusi si në Kinë, ashtu edhe në nivel global është përparësia më e lartë e OBSH-së”, tha shefi i OBSH-së.
Një veteriner dhe epidemiolog do të përpiqen ditët në vijim të përcaktojnë vëllimin dhe detyrat e misionit të ardhshëm në Pekin, me çka do të përcaktohet se si virusi ka kaluar nga kafshët te njeriu, theksohet në kumtesën e OBSH-së.
