OFL ka vënë në shënjestër sot edhe Bardhok Pllanajn, i njohur ndryshe si “kumbari i Shkodrës”, për të deklaruar burimin e pasurisë së tij. Në vitin 2018, Pllanajt iu sekuestrua një pallat 10-katësh me vlerë 2 milionë euro. Burimi i pasurisë dyshohej se rridhte nga aktiviteti kriminal. Pllanaj rezulton i dënuar në Gjermani për trafik lëndësh narkotike.
Ndërsa një vit më parë, Pllanajt iu sekuestruan edhe 20 pasuri prona, apartamente, biznese, troje, makina etj kryesisht në Dobraç të Shkodrës.
Emri i Pllanajt do të lakohej për herë të parë në vitin 2014, gjatë operacionit policor “Laguna e Vilunit”, ku u sekuestruan gati një ton hashash. Shtatë persona u arrestuan, por Pllanaj arriti t’i shmangej kapjes. Më tetor të 2019 Pllanaj i cili ishte në arrest shtëpie theu masën e sigurisë por u arrestua më pas në Lushnje.
LEXO EDHE:
Të dënuar në Gjermani dhe Belgjikë, OFL u dërgon formularin edhe dy personave të tjerë
