Oliver Varhelyi, Komisioneri për Fqinjësinë dhe Zgjerimin në prezantimin e Progres Raporteve në komisionin e punëve të jashtme të Parlamentit Europian, ka deklaruar se vonesat në çeljen e negociatave kanë ndikim negativ.
Komisioneri ka theksuar se Shqipëria ka arritur rezultate të dukshme me reformat. Në fjalën e tij, Varhelyi ka thënë po ashtu se Shqipëria ka bërë progres, dhe zgjedhjet në përgjithësi janë zhvilluar mirë.
“Vonesat në nisjen zyrtare të negociatave të anëtarësimit me Shqipërinë dhe Maqedoninë e Veriut kanë një ndikim negativ në besueshmërinë e BE -së.
Çështjet dypalëshe në pritje midis Bullgarisë dhe Maqedonisë së Veriut duhet të zgjidhen si çështje prioritare.
Eshtë thelbësore që Shtetet Anëtare të BE-së të përfundojnë diskutimet mbi Kornizat Negociuese pa vonesa të mëtejshme dhe që konferencat e para ndërqeveritare me të dy vendet të mbahen sa më shpejt të jetë e mundur dhe para fundit të këtij viti,” ka thënë ai ndër të tjera.