Kryeministri Edi Rama paralajmëron masa të reja lidhur me përballimin e versionit të ri të virusit ‘Omicron’ që po qarkullon.
Rama la të kuptohet se situate do të monitorohet por se duhet të jemi të përgatitur.
“Jemi në kushtet kur duhet të përgatitemi për një valë të re për shkak të një version të ri të virusit që po mbyll vendet e tjera. Holanda është mbyllur deri në 14 mars dhe vendimet për mbylljen do të merren rast pas rasti. Ne nuk do të ngutemi por duhet ta dimë që nuk mundet dot të kalojmë sikur nuk ndodh asgjë dhe disa masa do të duhet rimarrë pa e shtrënguar zinxhirin e jetës dhe ekonomisë“, tha Rama në konferencën e fundvitit.
Sa i takon procesit të vaksinimit po bëhet një vlerësim të situatës.
“Kemi garantuar të gjithë dozat e vaksinave dhe vaksinimi ecën por jo ashtu siç do të duhet të ecte. Po bëjmë një vlerësim se një pjesë e konsiderueshme njerëzish janë vaksinuar jashtë”
Do rindërtohet spitali infektiv
“Rindërtim nga themelet e spitalit ekzistues modernizim total I tij. 56 autoambulanca të reja në funksion të shërbimit shëndetësor që garanton një shërbim urgjence që sot është në standardet europiane”, tha Rama
