Aktualitet

Opozita me 3 grupe parlamentare në Kuvend, PD jep 7 deputetë për aleatët














Bëni LIKE faqen zyrtare në Facebook
               Publikuar në : 16:00 - 13/09/21 |
mapo.al

Kreu i Partisë Demokratike, Lulzim Basha, ka mbledhur këtë pasdite grupin parlamentar të PD. Mbledhja ka zgjatur pak minuta dhe ka përfunduar pak para nisjes së seancës plenare në Kuvend, ku do të caktohen sekretariatet, komisionet, si dhe byroja.






Sa i përket komisioneve, nga 8 në total, tre do të drejtohen nga PD, ndërsa në pesë të tjerat që do të drejtohen nga PS, Partia Demokratike do të ketë postin e nënkryetarit.


Opozita do të krijojë tre grupe parlamentare. Kështu, në Kuvend do të jenë grupi parlamentar i PD, ai i PDIU dhe ai i aleatëve të tjerë të Bashës, përkatësisht PR, PAA, LZHK dhe PBDNJ.







Këto të fundit, do të krijojnë grupet parlamentare me ndihmë të Partisë Demokratike, pasi një grup parlamentar duhet të ketë të paktën 7 deputetë. Për këtë arsye, PD do t’i japë PDIU, e cila mori në zgjedhjet e 25 prillit 3 deputetë, edhe 4 deputetë të tjerë, për të krijuar grupin e saj parlamentar.



Gjithashtu, PD do iu japë 3 deputetë partive të tjera aleate PR, LZHK, PAA dhe PBDNJ, të cilat morën në zgjedhje 4 deputetë. Ky grup parlamentar do të drejtohet nga Fatmir Mediu, që do të jetë kryetar, ndërsa Agron Duka do të jetë nënkryetar, Merita Bakiu zëdhënëse, Elda Hoti sekretare, si dhe tre anëtarë Emilja Koliqi, Dashamir Shehi e Vangjel Dule.

Lexo edhe :  Grupi i PS, Rama porosi deputetëve: Mos u provokoni nga opozita


Ndërsa grupi parlamentar i PDIU do të drejtohet nga Mesilda Doda, me nënkryetare Ilda Dhori, zëdhënëse Andia Ulliri, sekretar Nusret Avdulla, si dhe anëtarët Shpëtim Idrizi, Selaurin Jakupllari dhe Kasem Magmutaj.

Sa i përket, Lëvizjes Socialiste për Integrim, nuk dihet ende nëse kjo forcë politike ka kërkuar deputetë nga PD dhe nëse do ketë grup parlamentar apo jo.

Më herët, gjatë orëve të paradites së sotme, kryedemokrati Lulzim Basha ka zhvilluar një mbledhje me 7 deputetët Tomor Alizoti, Belind Këlliçi, Ervin Salianji, JoridaTabaku, Gazment Bardhi, Agron Gjekmarkaj dhe Alfred Rushaj.

Fokusi i takimit ka qenë qasja në publik për çështjen “Berisha”. Mësohet se në këtë takim është diskutuar se çfarë mesazhi do t’i transmetohet publikut, për këtë tematikë dhe arsyet që e shtynë Lulzim Bashën ta përjashtonte nga grupi parlamentar liderin historik te demokratëve.

4


Etiketa: ,

CLOSE
CLOSE
Pas