Kryesore

Opozita protestë 48 orë, policia ngre gardh hekuri te Kryeministria






               Publikuar në : 09:33 - 16/03/19 |
mapo.al

Ashtu siç kishte paralajmëruar, opozita e bashkuar do të protestojë sot para Kryeministrisë. Protesta do të nisë në orën 11:00 dhe është e dyta pas protestës së 16 shkurtit para kryeministrisë, ku nuk munguan incidentet. Opozita ka kërkuar leje për protestë 48 orëshe në Bulevardin “Dëshmorët e Kombit”, por kërkesa është refuzuar nga policia. Krahas përgatitjeve nga organizatorët e protestës, edhe policia ka marrë masat për mbarëvajtjen e saj.


Siç duket edhe në këtë video që sjell MAPO, Policia dhe Garda kanë vendosur gardh hekuri në oborrin e Kryeministrisë, për të penguar protestuesit në rast se do tentohet çarja e kordonit të forcave të rendit. Në terren pritet të angazhohen 1200 efektivë. Në shtyllat e ndriçimit janë vendosur kamera sigurie.

 

 

Pjesë e panit të masave të policisë dhe gardës është edhe saldimi i portave të Kryeministisë nga forcat zjarrfikëse. Protesta e sotme nuk do ketë flamuj të partive politike dhe as fjalime nga politikanët. Në podiumin e vogël që do vendoset në Bulevard, do flasin vetëm protestuesit.



Kjo është protesta e pestë e opozitës në harkun kohor të një muaji. E para ishte ajo e 16 shkurtit para Kryeministrisë, për t’u pasuar më pas me tre protesta radhazi para godinës së Parlamentit pas djegies së mandateve të deputetëve nga opozita e bashkuar.

LEXO EDHE: 

PD: 6 mijë protestues nga Shkodra e 3 mijë nga Vlora drejt Tiranës

“S’ka Shqipëri, ka 3 tepsi”/ Parulla e çuditshme e protestuesit


Etiketa: , ,

KOMENTO (0)

Shkruaj nje koment

Your email address will not be published. Required fields are marked *

* *

Pas