Pas deklaratës së Kryeministrit Rama se opozita po përpiqet të bllokojë negociatat me BE dhe krijimin e SPAK-ut, kanë reaguar deputetët e dorëhequr të opozitës, si Jorida Tabaku, Flamur Noka të PD-së dhe Nora Malaj e Floida Kërpaçi nga LSI-ja.
Flamur Noka ka reaguar më ashpër, duke shkruar në facebook se “Kriminalizimi i shtetit për të ushqyer pushtetin tënd kriminal po të pergatit sot varrin politik. PPP e tua korruptivo-kriminale që do ti rendojnë xhepave të popullit për mbi një dekadë janë akuzë vrastare per regjimin tend bazhibozuk. Dosja “339” është çarku ku ka rënë pushteti yt kriminal dhe të ka deligjitimuar në sy te shqiptareve dhe nderkombetarëve”.
Ndërsa Jorida Tabaku shkruan se “negociatat kanë dështuar se “mazhoranca dhe kryeministri Rama dëshironte më shumë të inkriminuarit në bashki dhe parlament se sa Bashkimin Europian. Dështuam sepse mazhoranca donte të shndërronte Shqipërinë në një parcelë droge me sipërfaqe 28 mijë km katror dhe jo të lobonte për të futur vendin në BE.
Sado që përpiqet të kërcejë nga dega në degë Rama e kupton që tanimë është i vetëm në këtë fasadë të shëmtuar me të cilën ka zgjedhur të mbulojë autokracinë që ka krijuar. Tanimë edhe ato ndërkombëtarë që ende besonin dhe shpresonin tek ai do të shohin qartë përditë e më shumë demokracinë e inkriminuar që kryeministri e maskonte me alibinë qesharake të “opozitës fajtore.
Të gjithë e dimë, të gjithë e shohim dhe të gjithë e kuptojmë se kush ka penguar realisht integrimin në këtë vend. I vetmi vend ku integrimin e pengon qeveria!”
Nora Malaj e LSI-së, shkruan se “Deklarata e sotme e Ramës më kujtoi ngordhjen e çakallit që çjerr, pështyn, angullit, tenton të kafshojë. Tani mos fol më. Sot për ty është ditë zie! Sot qeveria ka rëne dhe bashkë me të dhe parlamenti nuk funksionin”.
Floida Kërpaçi shprehet “Boll më me propagandë dhe show në ERTV sepse nuk ti beson me njeri mashtrimet! Populli Shqiptar e ka vendosur të ardhmen e Shqipërisë!”
/Mapo.al
