Ndonëse infektimet dhe numri i vdekjeve nga Covid-19 është rritur ditët e fundit, kjo nuk i ka penguar kryeqytetasit që t’i shkelin masivisht rregullat kundër virusit.
Ditën e sotme, duke shfrytëzuar edhe ditën me diell të ngrohtë, banorët e kryeqytetit janë dyndur te Liqeni Artificial i Tiranës.
Ashtu sikurse mund të shihet edhe nga këto foto, qytetarët kanë qenë me qindra, pa respektuar distancën dhe një pjesë pa maska mbrojtëse.
Në një kohë kur gjobat ndaj qytetarëve janë të përditshme për mbajtjen e maskës, duket pamje të tilla tregojnë një neglizhencë nga qytetarët dhe një mungesë kontrolli nga ana e institucioneve shtetërore.
Ditën e djeshme janë regjistruar 1089 raste të reja, ndërsa 15 qytetarë kanë humbur jetën.
Ndërsa në 4 spitalet COVID, po trajtohen 423 pacientë, 27 në terapi intensive nga të cilët 12 pacientë janë të intubuar.
Etiketa: Covid-19, Koronavirusi, liqeni i Tiranës, Qytetaret shperfillin masat
