Aktualitet

Paguanin me para falso në karburante, arrestohen dy 19-vjeçarët








Bëni LIKE faqen zyrtare në Facebook
               Publikuar në : 14:35 - 22/01/20 |
mapo.al

Policia e Tiranës ka vënë në pranga, falë një operacioni të posaçëm, dy 19-vjeçarë, që ishin kthyer në makthin e pikave të karburanteve dhe kioskave. Dy të rinjtë paguanin me para falso dhe “godisnin” në zona të ndryshme të Tiranës.


Njoftimi


Tiranë – Finalizohet operacioni policor i koduar “Euro 2020”.


Operacioni, nga Seksioni për Hetimin e Krimit Ekonomik dhe Financiar, në bashkëpunim me Prokurorinë e Rrethit Gjyqësor Tiranë.


Goditet një rast i falsifikimit të monedhave, në pranga 2 të rinj.


Sekuestrohen në cilësinë e provës materiale kartëmonedha të falsifikuara dhe aparate celular.

Seksioni për Hetimin e Krimit Ekonomik dhe Financiar, në bashkëpunim me Prokurorinë e Rrethit Gjyqësor Tiranë, në kuadër të operacionit policor të koduar “Euro 2020”, arrestoi në flagrancë shtetasit:

– U. M., 19 vjeç, banues në Tiranë;

– N. P., 19 vjeç, banues në Tiranë;

Këta dy shtetas dyshohet se në bashkëpunim me njëri-tjetrin, në kohë dhe në vende të ndryshme të kryeqytetit, kanë përdorur kartëmonedha false në disa pika karburanti dhe kioska.

Në cilësinë e provës materiale janë sekuestruar dy aparate celular dhe kartëmonedha të falsifikuara.

Materialet iu referuan për veprime të mëtejshme Prokurorisë së Rrethit Gjyqësor Tiranë, për veprën penale “Falsifikimi i monedhave”, kryer në bashkëpunim.


Etiketa: ,

Pas