Kryeministri i Malit të Zi, Dritan Abazoviç ka ofruar gatishmërinë e tij për të dhënë dorëheqjen nga posti i kryeministrit të Malit të Zi.
Ai u shpreh se është i gatshëm të marrë këtë vendim sapo të zhbllokohet situata në sistemin gjyqësor.
Më herët demokratët thanë se pas zgjedhjeve të organeve të drejtësisë do të ishte shumë më mirë nëse Abazoviç do të largohej nga pozicioni i tij.
Pikërisht këtë deklaratë, Abazoviç nuk e mori si ultimatum, madje e mbështeti dhe tha se është i gatshëm të dorëhiqet.
“Për mua janë të hapura të gjitha opsionet që nënkuptojnë që së pari t’i japim fund situatës për zhbllokimin e gjyqësorit,” deklaroi Abazoviç.
Abazoviç është kritikuar kohët e fundit nga partitë në Mal të Zi, edhe nga partnerët qeveritarë. Po ashtu ka humbur besimin në Kuvend të partisë së presidentit Milo Gjukanoviç për shkak të marrëveshjes për themelimin e Kishës ortodokse serbe në Mal të Zi.
Po ashtu u kritikua gjerësisht edhe për deklaratën në lidhje me gjenocidin e Srebrenicës.
