Aktualitet

Paketa ekonomike/ Ahmetaj shpjegon masat: Kush janë kategoritë që përfitojnë





Bëni LIKE faqen zyrtare në Facebook
               Publikuar në : 22:13 - 09/04/20 |
mapo.al

Ndërsa paketa ekonomike lidhur me situatën koronavirusit ka nisur tashmë të aplikohet, duket se një kategori e caktuar qytetarësh janë ende të paqartë nëse janë përfitues të saj, apo për mënyrat se si duhet të veprojnë në këtë situatë.


Koordinatori për situatën e Emergjencës Arben Ahmetaj, shpjegoi se të gjitha bizneset e lejuara për punë, mund të punojnë edhe pas orës 13:00. “Policia është shumë e qartë që nuk do të pengojë asnjë biznes të punojë pas orës 13:00, përveç bizneseve specifike që nuk janë të lejuara”, u shpreh Ahmetaj.


Ndërsa iu është përgjigjur disa pyetjeve në studion e “Opinion”, Ahmetaj saktësoi gjithashtu se:


  • Punonjësit në të zezë (pra të pasiguruarit) nuk do të përfitojnë nga paketa e luftës.
  • Punonjësit sezonalë, që kanë punuar jashtë vendit, por tashmë kufijtë janë mbyllur, mund të shihen tek pagesa e papunësisë, por duhet me pare të regjistrohen si të papunë.
  • Pagesat e sigurimeve nuk shtyhen.
  • Kufijtë janë të mbyllur.
  • Bursat e studentëve do vijojnë të paguhen.
  • Qiratë e tërmetit do vijojnë të paguhen.

Ahmetaj shpjegoi edhe raportin me bankat, për të cilin ankohen shumë qytetarë, lidhur me mos zbatimin e vendimit për shtyrjen e kësteve të kredisë. “Qytetari të ankohet në faqen e Bankës së Shqipërisë, ajo ja kalon njësisë monitoruese dhe njësia merret me bankat”, tha Ahmetaj.



Etiketa: , ,

CLOSE
CLOSE
Pas