Një pako e dyshimtë ka alarmuar paraditen e kësaj të premteje qytetin e Elbasanit. Pakoja është gjetur në një nga rrugët kryesore të qytetit, përkatësisht në segmentin që lidh bulevardin kryesor me Drejtorinë e Policisë.
Kanë qenë oikërisht qytetarët që kanë pikasur pakon dhe më pas kanë lajmëruar policinë, e cila ka evakuuar gjithë zonën.
Në vendngjarje kanë mbërritur ekspertë të fushës së eksplozivëve, si dhe një shërbim zjarrfikës, të cilët po bëjnë verifikimin e llojit të eksplozivit për të bërë pas edhe shpërthimin e tij.
Nga ana e saj, policia ka vendosur një perimetër të gjatë sigurie, teksa ekspertët janë duke punuar për shpërthimin e kontrolluar të lëndës plasëse.
