Muzeu i Luvrit është rihapur në Paris pas mbylljes së tij gati katër muaj më parë për shkak të pandemisë së koronavirusit. Maska është e detyrueshme, është krijuar një sistem i një-kalimsh dhe numri i vizitorëve do të kontrollohet.
Do të ketë gjithashtu një hapësirë ku vizitorët do kalojnë në radhë për të parë pikturën e famshme të Mona Lisas nga Leonardo Da Vinçi.
Rreth 10 milion njerëz vijnë për ta vizituar në atë që mendohet të jetë muzeu më i frekuentuar në botë çdo vit, shumica vijnë nga jashtë Francës.
Me turizmin e gjymtuar nga pandemia e cila po vazhdodon dhe BE vetëm duke hapur kufijtë e saj të jashtëm për 15 kombe deri më tani, stafi në muze frikësohet se numri i vizitorëve mund të bjerë shumë.
“Ne po humbasim 80% të publikut tonë“, tha drejtori Jean-Luc Martinez për agjencinë e lajmeve AFP. “Do të jemi minimumi poshtë 20-30% në krahasim me verën e kaluar – midis 4,000 dhe 10,000 vizitorë në ditë.”
Muzeu u mbyll më 13 mars dhe raportohet se ka humbur 40 milion € në të ardhura që nga atëherë.
“Jemi me fat që jemi një muze në pronësi të shtetit,” i tha z. Martinez New York Times-it në qershor.
Guidat e turistëve parizienë protestuan jashtë Luvrit të hënën në mëngjes, duke thënë se qeveria nuk kishte bërë sa duhet për të ndihmuar njerëzit që punojnë në industrinë e turizmit.
Presidenti francez Emmanuel Macron shpalli një “fitore të parë” mbi koronavirusin në qershor ndërsa ndermori masa për një heqje të pjesshme të kufizimeve të izolimit.
Por qeveria është përballur me kritika përgjatë gjithë pandemisë për mungesat e pajisjeve mjekësore dhe mënyrën se si ajo e ka trajtuar krizën. Franca ka konfirmuar më shumë se 195,000 raste të virusit dhe 29.813 vdekje, sipas Universitetit Johns Hopkins.//BBC//
Përshtati: Mapo.al
Etiketa: Muzeu i Luvrit, pandemia, paris, rihapet
