Aktualitet

Paris/ Prokuroria: Sulmuesi donte t’i vinte zjarrin zyrave të Charlie Hebdo








Bëni LIKE faqen zyrtare në Facebook
               Publikuar në : 22:38 - 29/09/20 |
mapo.al

Një pakistanez i akuzuar për plagosjen e dy personave para ish-zyrave të Charlie Hebdo, më 25 shtator, planifikonte t’i vinte flakën zyrave të saj, tha një prokuror francez më 29 shtator.


Sipas prokurorisë ai nuk e dinte se revista kishte ndryshuar lokacion.


Prokurori, Jean-Francois Ricard, tha në një konferencë për media se i dyshuari-në atë që qeveria franceze e ka quajtur një akt të “terrorizmit islamik” – mbante tre shishe me material të ndezshëm me të cilin ai donte t’i vinte flakën lokalit të revistës.


Ricard tha se burri, i cili e kishte identifikuar veten si Hassan A., një 18-vjeçar i lindur në qytetin pakistanez të Mandi Bahauddin, operonte nën një identitet të rremë.


Dymbëdhjetë njerëz u vranë më 2015 nga sulmuesit që bastisën zyrën e Charlie Hebdo për hakmarrje lidhur me botimin e karikaturave të Profetit Muhamed.


Pas sulmit, e përjavshmja zhvendosi selinë e saj në një vend të panjohur.

Ajo ribotoi disa nga karikaturat këtë muaj për të shënuar fillimin e gjyqit ndaj 14 personave të dyshuar për lidhje me vrasësit./REL/


Etiketa: , , , ,

Pas