Faqja e teatrit “Aleksandër Moisiu” në Facebook ka ndarë me ndjekësit një parodi të aktorit të njohur të humorit, durrsakut Muharrem Hoxha.
Ky i fundit, prej dy muajsh qëndron në qytetin e Pogradecit për shkak të pandemisë, ku ka realizuar një këngë parodi nga e përditshmja e tij gjatë kësaj situate.
“Lutju Zotit veç shëndet, mos u hiq si trim me fletë. Se ky virus nuk të pyet, është armik dhe të vret.“, thotë aktori Hoxha ndër të tjera në këngën parodi të titulluar “E kruajta vetë”.
Me ironi dhe humor ai thumbon masat e marra për këtë situatë, ndërsa personazh kryesor në parodi është një i moshuar i cili nuk i njeh kufizimet.
Por si i lindi ideja për ne pardoi të tillë?
“Një pensionist po qëndronte në shtëpi. Sa doli jashtë e kapi policia dhe i vuri gjobë 100 mijë lekë” tregon Hoxha.
