Aktualitet

Partizani godet në merkato, firmos Ferhan Hasani









Bëni LIKE faqen zyrtare në Facebook
               Publikuar në : 15:42 - 26/01/21 |
mapo.al

Ferhan Hasani, goditja e madhe e Partizanit në këtë merkato të janarit është prezantuar ditën e soyme nga drejtori Olsi Rama.



Në konferencë për shtyp, ky i fundit ka theksuar se me Hasanin ishin bërë miq vjet, por ky ishte momenti i duhur për t’i bërë ofertë.


Ai shpjegoi se bisedimet me fantazistin zgjatën vetëm 10 minuta, ndërsa shtoi se për të transferuar Hasanin, i cili është pjesë e ekipit kombëtar të Maqedonisë së Veriut, u bazuan te cilësitë e tij si lojtar, por edhe si njeri.




“Jemi mbledhur të prezantojmë afrimin e fundit. Është një lojtar që nuk ka nevojë për shumë prezantim, Është fat për ne që e sjellim në një merkato si e janarit te ne. Kisha krijuar një raport personal që vitin e kaluar. Ramë dakord që vjet nuk ishte momenti i duhur t’i bënim një ofertë. Ky vit mund të jetë i duhuri për të sjellë një element të tillë në ekip për t’u rritur në cilësi.



Hasani ka një karrierë të admirueshme ndërkombëtare, mund të kujtoj paraqitjet me Brondby, Wolfsburg dhe Shkëndijën që është krenaria e shqiptarëve në Maqedoninë e Veriut, pa harruar Helsinkin. Ai vjen me shumë dëshirë te ne, vishet krejt i kuq këtë herë. Ka shumë dëshirë të provojë këtë eksperiencë të re“, tha ai.


Olsi Rama shpjegoi arsyet pse sipas tij Ferhan Hasani, i njohur ndryshe me nofkën “Buba”, zgjodhi Partizanin.

“Ai e zgjodhi Partizani sepse është ekipi që ka punuar më mirë, me stabilet dhe ka qenë korrekt me stafin dhe lojtarët. Paga nuk mund të diskutohet, është mungesë respekti të flitet për detaje të tilla. Kemi bërë një marrëveshje shumë të mirë, shpresoj që edhe ai ta mendojë kështu. Shpresoj të gjithë të shikojmë frytet e kësaj marrëveshje. Partizani ka sjellë një lojtar që i sjell bukuri Superiores.

Nuk ka qenë e vështirë, madje ishte e lehtë, kjo për shkak se u puqën objektivat tona. Jemi ulur kemi folur vjet dhe u bëmë miq. Nuk e mendova në asnjë moment t’i bëja ofertë. Këtë vjet natyrshëm që duhet të bashkohej me Partizanin. Prezenca në derbi mund të ketë ndikuar pak, pasi derbi ndihet edhe pa tifozë. Ndoshta e bëri më të lehtë edhe për mua t’i bëja ofertë. Diskutimi ynë zgjati 10 minuta, jo më shumë”.

Afrimi më i bujshëm? Çdo afrim që e bej pretendoj dhe shpresoj të jetë ai që shton vlerën e ekipit. Nuk dua ta ndal tek emra të përveçëm, do ishte mungesë respekti për të tjerët. CV-ja e tij flet vetë dhe ai mendoj se ka dëshirë t’ia lërë fushës përfundimet. Sigurisht është kënaqësi të prezantosh një afrim të tillë, gjithmonë me shpresën se rezultatet do të jenë pozitive”.

“Nuk ishte e nevojshme të shikonim në programe, pasi e kemi parë në vazhdimësi te Shkëndija. Kemi parë edhe ato që ka arritur jashtë Ballkanit. Nuk kishte shumë për të parë. U bazuam te cilësitë e tij si lojtar, por më shumë te cilësitë si njeri. Sjell në ekip një personalitet për t’u admiruar dhe shpresoj të na rritë të gjithëve. Daja e ka ndjekur, Pollozhani e ka pasur në ekip. Nuk ka nevojë të prezantojmë më shumë vlerat morale të Bubës, veç atyre sportive që shihen”.

Derbi për Bubën? Nuk është aspak ashtu. Nuk ia morëm Tiranës Ferhan Hasanin, ai ka ardhur te ne. Kur ata po diskutonin nuk kemi ndërhyrë. Ishte zgjedhja e tij për të ardhur te Partizani. Ishte shumë i natyrshëm dhe i thjeshtë diskutimi me të. Shpresojmë të përsërisim fitore në derbi, këtë herë me Hasanin në fushë”, u shpreh Olsi Rama.

1


Etiketa: , , , ,

CLOSE
CLOSE
Pas