Partizani i papërmbajtshëm edhe në Moldavi, pret Basel-in në raundin e dytë

Partizani fiton edhe përballjen e dytë ndaj skuadrës moldave Sfintul për raundin e parë të Conference League.

Të kuqtë, drejtuar nga Ilir Daja triumfuan me shifrat 3-2, duke arritur një sukses me përmbysje. Volkov për vendasit shënoi nga pika e bardhë e penalltisë në minutën e 4’, ndërkohë Partizani barazoi me Carën në të 15’.

Sfintul kërkoi të hynte lojë dhe ja doli të realizojë me Solodovnicov në minutën e 22’, por që ky realizim do të ishte i fundit për moldavët.

Junior në 42’ barazoi shifrat, ndërsa në pjesën e dytë do të ishte po sulmuesi brazilian që do të kalonte në avantazh Partizanin në minutën e 55’.