Gazeta Mapo ka në fokus në numrin e nesërm (14 korrik 2021) deklaratat e kryeministrit Edi Rama në lidhje me tenderat e institucioneve.
Gjatë një takimi me titullarë të institucioneve që merren me prokurimet publike, kryeministri Rama ka pranuar se në 70% të institucioneve të qeverisjes së tij, kryhen tenderime abuzive.
Sipas tij, situata me qeverisjet e mëparshme është e pakrahasueshme, por gjithsesi ka punë për të bërë. Por në një raport të KLSH-së të vitit 2020, thuhet se përgjatë periudhës 2014-2019 kohë që në pushtet ka qenë qeverisja e majtë, dëmi ekonomik nga tenderimet kap shifrën e 2 miliardë eurove.
Vetëm në vitin 2015, dëmi i shkaktuar nga prokurimet dhe marrëveshja me ÇEZ që mban firmën e ish-ministrit Gjiknuri, është më i madh se 12 vitet paraardhëse të marra së bashku. Si pasojë e abuzimeve vetëm në një vit arkës së shtetit iu shkaktua 1 miliard euro dëm.
Nesër në Mapo do të gjeni suplementin ‘IDE’. Gjithashtu do të gjeni komente dhe analiza mbi aktualitetin në vend, rajon dhe botë.
