Bota

Pas debateve për fjalën e lirë, Kanadaja mbështet Francën














Bëni LIKE faqen zyrtare në Facebook
               Publikuar në : 10:30 - 06/11/20 |
mapo.al

Pas diskutimeve për fjalën e lirë që nxitën jo pak polemika në Francë, Kryeministri kanadez Justin Trudeau dhe homologu i tij francez Emanuel Makron vendosën të zhvillonin bisedime.






Z.Trudeau shprehu solidaritetin e Kanadasë për francezët pas sulmeve të fundit terroriste.


Një mësuesi iu pre koka në periferi të Parisit pasi u tregoi karikatura të Profetit Muhamed nxënësve të tij.







Vërejtjet e Z. Trudeau javën e kaluar në lidhje me lirinë e shprehjes u kritikuan në Kanada dhe Francë.




Mbrojtja e Presidentit francez Emmanuel Macron për botimin e karikaturave nxiti protesta në disa vende me shumicë myslimane e madje këta të fundit bojkotuan mallrat franceze.



Javën e shkuar z.Trudeau dënoi sulmet në Francë, duke përfshirë sulmin vdekjeprurës me thikë në një kishë në Nice, sulmi i tretë i dyshuar islamik në vend në më pak se një muaj.

Në lidhje me lirinë e shprehjes për të treguar karikatura të profetit Muhamed Turdeu tha se “liria nuk është pa kufij”,

“Ne i detyrohemi vetes sonë të veprojmë me respekt për të tjerët dhe të kërkojmë të mos lëndojmë në mënyrë arbitrare ose të panevojshme ata me të cilët po ndajmë një shoqëri dhe një planet”, tha ai.

Më pas shtoi: “Ne nuk kemi të drejtë të bërtasim ‘zjarr’ në një kinema të mbushur me njerëz, ka gjithmonë kufij”.

Gjatë një bisede telefonike të martën, z.Macron falënderoi kryeministrit e provincës Quebec të Kanadasë Francois Legault, për fjalët e tij mbështetëse pas sulmeve.

Legault tha se ai “dënonte masivisht ” atë që kishte ndodhur në Francë.

Por Z. Macron nuk pranoi të bisedonte me z.Trudeau atë ditë dhe kjo u pa si një këputje e mardhënieve mes të dyve.

Trudeau ka sqaruar vërejtjet e tij të mëparshme, duke thënë “është e rëndësishme të vazhdohet mbrojtja e lirisë së shprehjes, lirisë së fjalës”.

Ai shtoi: “Artistët tanë na ndihmojnë të reflektojmë dhe sfidojmë pikëpamjet tona dhe ato kontribuojnë në shoqërinë tonë, dhe ne gjithmonë do të vazhdojmë të mbrojmë lirinë e shprehjes.”

Trudeau dhe Z. Macron zhvilluan bisedime telefonike të enjten, për të biseduar rreth polemikave të mëparshme.

Sipas një zëdhënësi të kryeministrit, z.Trudeau “shprehu solidaritetin e Kanadasë me popullin e Francës pas sulmeve të fundit terroriste ” dhe të dy “ranë dakord mbi rëndësinë e mbrojtjes së lirisë së shprehjes dhe të drejtave të njeriut dhe mbi angazhimin e tyre të përbashkët për luftimin e terrorizmit dhe ekstremizmit të dhunshëm “./BBC/

Përshtati: Mapo.al

1


Etiketa: , , ,

CLOSE
CLOSE
Pas