Kandidati i Bindjes Demokratike për Qarkun e Tiranës, Astrit Patozi ka zhvilluar sot takim elektoral në zonën e Kavajës.
Patozi me anë të një statusi në Facebook shkruan se Kavaja ka ditur ta përqafojë gjithmonë e para ndryshimin.
Statusi:
KAVAJA KA DITUR TA PËRQAFOJË GJITHMONË E PARA NDRYSHIMIN
Tre partitë kryesore, që sundojnë prej dekadash Shqipërinë, janë “kujdesur” që në listat e tyre të mos ketë asnjë përfaqësues nga Kavaja.
Do të mjaftonte ky fakt për të treguar vlerësimin dhe respektin e tyre për qytetin, që i parapriu rrëzimit të komunizmit.
Bindja Demokratike përfaqësohet në Kavajë me projektin e ri për ndryshim si dhe me një buqetë kandidatësh, që janë krenarë për vendlindjen e tyre.
Me bashkëqytetarët e mi biseduam sot për risitë e “Planit tonë për një Shqipëri normale” si e vetmja zgjidhje, në kushtet kur tre mëkatarët e mëdhenj të politikës ngjajnë njësoj.
