Partia Demokratike ka caktuar ish-deputetin Mark Marku, drejtues politik në Qarkun e Lezhës, për zgjedhjet parlamentare të 25 prillit.
Marku ishte pjesë e komisionit të vlerësimit të kandidaturave në PD.
Mark Marku ka një përvojë të gjatë në politikë por dhe si pedagog i shkencave të komunikimit në Universitetin e Tiranës.
Më herët janë zbuluar emrat e drejtuesve politikë si Bujar Leskaj në Vlorë, Helidon Bushati në Shkodër, Enkelejd Alibeaj në Fier, Edi Paloka në Durrës dhe Gazment Bardhi në Qarkun e Elbasanit.
Mbeten 6 qarqe të pakonfirmuara me emrat e të deleguarve politikë të PD-së si drejtues qarqesh: Tiranë, Korçë, Berat, Gjirokastër, Dibër dhe Kukës.
