Aktualitet

PD zyrtarizon Xhelal Mziun drejtues politik në Qarkun e Dibrës








Bëni LIKE faqen zyrtare në Facebook
               Publikuar në : 12:45 - 20/01/21 |
mapo.al

Ish-kryebashkiaku i Kamzës Xhelal Mziu do të jetë drejtues politik i PD në Qarkun e Dibrës.



Emri i Mziut është bërë sot zyrtare nga Partia Demokratike, pasi qarkulloi në media dy ditë më parë. Xhelal Mziu ka qenë kryetar i Bashkisë Kamëz për tre mandate, 2007-2019. Në Qarkun Dibër këtë herë do të “luftohet” për 5 mandate nga 6 që ishin deri në zgjedhjet e 2017-ës. Dibrës iu hoq një mandat deputeti për shkak të rënies së numri të popullsisë dhe iu shtua Qarkut Tiranë.


Dibra rezulton një nga qarqet më problematike të zgjedhjeve të pjesshme vendore të vitit 2016 dhe atyre parlamentare të 2017, ku përgjimet e dosjes 184, të publikuara nga gazeta gjermane BILD, kanë nxjerrë zbuluar shitblerjen e votave nga zyrtarë të lartë lokalë por edhe me ndërhyrjen e deputetëve dhe ministrave.



Në përgjimet e Dibrës është kapur edhe kryeministri Edi Rama duke biseduar me funksionarë lokalë të PS-së për “realizimin e objektivit”, ndërsa emri i tij përmendet edhe nga segmente të krimit të cilët e quajnë “babloku”.

Lexo edhe :  Korçë/ Spaho prezantohet me struktuarat, Salianji: PD lufton për 6-7 mandate


Gjithashtu, PD njoftoi sot se kryedemokrati Lulzim Basha ka caktuar anëtarin e Kryesisë dhe njëherazi drejtues i Departamentit për të Përndjekurit Politikë, Tomor Alizoti si drejtues politik në Qarkun e Beratit.


Mbeten edhe tre qarqet e fundit Tiranë, Gjirokastër dhe Kukës, ku ende nuk janë caktuar emrat e drejtuesve politikë të PD.

Drejtuesit Politikë të PD në qarqe
Shkodër – Helidon Bushati
Fier – Enkelejd Alibeaj
Vlorë – Bujar Leskaj
Berat – Tomor Alizoti
Dibër – Xhelal Mziu
Elbasan – Gazment Bardhi
Korçë – Edmond Spaho
Durrës – Edi Paloka
Lezhë – Mark Marku
Tiranë – ?
Gjirokastër – ?
Kukës ?

LEXO EDHE: 

Basha cakton Tomor Alizotin drejtues politik në Berat

564


Etiketa: , , , , ,

CLOSE
CLOSE
Pas