Aktualitet

PD nis betejën në Gjykatë: Test për Kolegjin Zgjedhor, në anën e ligjit apo me Ramën














Bëni LIKE faqen zyrtare në Facebook
               Publikuar në : 21:10 - 30/05/21 |
mapo.al

Eksperti Ligjor i Partisë Demokratike në KAS, Marash Logu, ka ngritur akuza të reja lidhur me procesin zgjedhor. Sipas tij PD ka nisur një betejë në Gjykatë, ndërsa shton se Kolegji Zgjedhor këtu do të testohet nëse do të jetë i paanshëm apo në shërbim të qeverisë.






Sipas Logut janë dëshmuar me zë dhe me figurë blerje masive të votave, ndërsa në këmbim janë dhënë mbi 10 mijë legalizime, janë punësuar mbi 13 mijë persona e janë shpërndarë shuma të mëdha parash.


Logu shton se Partia Demokratike vendosi në dispozicion të KAS mbi 600 faqe shpjegime dhe 450 prova shkresore, foto dhe video, por sipas tij , ata mbyllën sytë para qindra fakteve e provave.





Postimi i Logut:



Prej tre javësh qytetarët shqiptarë kanë dëshmuar me zë e figurë nga salla e Komisionit të Ankimeve dhe Sanksioneve faktet e pakundërshtueshme të masakrës zgjedhore të 25 prillit:



❌ Blerje masive e votës nëpërmjet individëve me rekorde të tmerrshme kriminale

❌ +10.003 leje legalizimi

❌ +13.000 punonjës të rinj në administratë qëndrore

❌ 63 milionë euro paga shtesë

❌ 2.5 milionë euro ndihma ekonomike

❌ 1.9 milionë euro “paga lufte”

❌ 125 milionë euro pagesa për tërmetin

❌ 500% më shumë tendera publikë se mesatarja e 5 viteve të fundit

❌ 83 mijë fletë votimi të pavlefshme

Lexo edhe :  Malaj: PD duhet të demokratizohet, liderët e partive të mos jenë peng të askujt

❌ 523 mijë qytetarë pa të drejtë vote

❌ 910 mijë vjedhje të të dhënave personale

Për vërtetimin e secilit prej këtyre fakteve, Partia Demokratike vendosi në dispozicion të KAS mbi 600 faqe shpjegime dhe 450 prova shkresore, foto dhe video. Por, fatkeqësisht tre noterët e masakrës zgjedhore vendosën të sillen si shërbëtorë të Edi Ramës, në vend të zbatimit të ligjit. Ata mbyllën sytë para qindra fakteve e provave, dhe refuzuan paligjshmërisht 171 kërkesa për transparencë të plotë mbi masakrën elektorale të 25 prillit.

Megjithatë, pas dorëzimit të 5 padive të para, nga nesër vazhdojmë betejën në Kolegjin Zgjedhor. Nesër i takon Kolegjit të vendosë nëse do të jetë në anën e ligjit, duke pranuar provat tona dhe marrë çdo provë të kërkuar për të vërtetuar plotësisht masakrën zgjedhore të 25 prillit, apo do të vazhdojë historinë e vendimeve si ai i fletëve të votimit që bëri nul vullnetin e 83 mijë shqiptarëve.

Në çdo rast, ne i qëndrojmë besnik angazhimit tonë solemn para të gjithë shqiptarëve: beteja do të vazhdojë në çdo front, me të gjitha mjetet dhe mundësitë që ekzistojnë. Sepse kjo nuk është betejë as për anëtarët e KAS-it, as për gjyqtarët e Kolegjit, madje as për partitë politike, por për gjithë qytetarët shqiptarë, të cilët janë viktimat e vërteta të 25 prillit.

6


Etiketa: , , , , ,

CLOSE
CLOSE
Pas