Kryesore

PE: Ç’po ndodh me dosjet ‘339’ dhe ‘184’, pse nuk ka asnjë të akuzuar?














Bëni LIKE faqen zyrtare në Facebook
               Publikuar në : 18:22 - 22/06/20 |
mapo.al

Raporteri për Shqipërinë në PE, David Lega si dhe eurodeputeti Gahler kanë kritikuar qeverinë sot në seancën e posaçme për Shqipërinë në Parlamentin Europian. Lega ka theksuar se qeveria është shumë e ashpër me gazetarët dhe shumë e butë me trafikantët.






Pa ndryshuar ky raport sipas tij, s’ka çelje negociatash. Ndërkohë Gahler thotë se nuk ka asnjë informacion se çfarë po bëhet me dosjet e shit-blerjes së votave, ‘184’ dhe ‘339’ të bandave të Durrësit ku i përfshirë ka qenë dhe ish-kryebashkiaku Vangjush Dako.


Koordinatori i PPE Michael Gahler tha se nuk po listoj të 15 kushtet por po ndalem tek njeri prej tyre: “Tek ai që ka të bëjë me blerjen e votës dhe me manipulimin e votës. Ka dy çeshtje: dosja 184 ne Dibër dhe dosja 339 në Shijak.







Ato po hetohen prej tre vjetësh por nuk kemi akuza nga prokuroria por vetëm lajme se po pengohet drejtësia. Kjo edhe mbasi zyrtare nga shtetet antare kanë apeluar që në keto raste të ketë hetim e përballje me gjykatën. A mendoni se do të kemi zhbllokim të ketyre dy rasteve kur të prezantoni Kuadrin Negociator? A ja keni bërë të qartë këtë kusht qeverisë, shoqërisë civile dhe publikut shqiptar?”




Ndërsa Eurodeputeti Thierry Mariani, pak më parë u shpreh në mbledhjen e sotme në PE, se politikat që po ndjek aktualisht qeveria drejt anëtarësimit në BE, nuk janë të duhurat dhe të njëjta me ato të unionit.



“Ne jemi kundër zgjerimit të BE dhe pyetja tani është për Shqipërinë përsa i përket instrumenteve përpara zgjerimit. Shqipëria është një pikë qëndrore e influencës turke në rajon. Dua të përmend 5 mësues në mars në Kosovë të cilët u rrëmbyen dhe u dërguan në Turqi.

Inteligjenca Turke kishte edhe partnerë shqiptarë. Ne nuk mendojmë që politikat që kanë zgjedhur këto momente janë të duhura dhe ato të njëjta me BE. Duhet të tregohemi më të ndershme përsa i përket Shqipërisë”, u shpreh Thierry.

Në mbledhjen e Komisionit për Marrëdhëniet me jashtë në Parlamentin Europian ndër të tjera u diskutua çështja e shembjes së Teatrit Kombëtar në Shqipëri. Përfaqësuesja e Komisionit Angelina Eichorst u shpreh se i është kërkuar autoriteteve shqiptare të hetohen autorët për përdorimin e forcës dhe ushtrimin e dhunës ndaj protestuesve.

Ndërsa eurodeputetja Geneoveva Calavera theksoi: “Duhet ruajtur trashëgimia kulturore dhe ligji i së drejtës. Kemi kërkuar disa herë dialog lidhur me prishjen e Teatrit Kombëtar“.

LEXO EDHE: 

“Teatri Kombëtar”/ PE: Të hetohen autorët e dhunës ndaj protestuesve

Seanca për Shqipërinë në PE: Pa plotësuar 15 kushtet s’ka hapje negociatash

1


Etiketa: , , ,

Pas