Ka përfunduar garimi për Luiza Gegën në Lojërat Olimpike të Tokyos.
Atletja kuqezi e çoi Shqipërinë për herë të parë në një finale historike të niveleve të tilla dhe në fund ia doli të dale me kokën lart duke u renditur në vendin e 13 në renditjen e përgjithshme në 3000 metra me pengesa për femra.
Sigurisht që të gjithë do të dëshironim një medalje por për Luiza Gegan, e 13 në planet është medalje, sigurisht që është medalje për sakrificat e saj pas një viti të vështirë.
Nuk duhet harruar as rivaliteti i madh në nivele të tilla dhe po të vlerësojmë kohët e përfunduara, kuptohet edhe diferenca e kryesuesve me të tjerët.
Atletja jonë e mbylli garën në vendin e 13-të me kohën, 9:34.10, një kohë fantastike dhe rezultat i jashtëzakonshëm si garim i parë për një sportiest kuqezi në finalen e një Olimpiade.
Me garimin e Luiza Gegës përfundon edhe aventura e Shqipërisë në Lojërat Olimpike, pa medalje në fakt që është për të ardhur keq kur kujtojmë që Briken çalja e humbi një prej bronzi për vetëm 1 kg më pak.
