Për një debat që bashkon, jo një konflikt që ndan

Partia  Demokratike ka nevojë për një debat të shëndoshë që bazohet në premisat e së vërtetës….debati është mundësia që sjell liria, i tilli i bazuar mbi mendimin e qëndrueshëm që largon emocionin dhe thërret arsyen….

Aryeja që ndihmon të shohim dritën e së vërtetës, e tilla që errësohet nga emocioni i natyrshëm njerëzor që përdoret në aksin mes të qëllimtës dhe të paqëllimtës për të ndërtuar themelet e një konflikti që nuk ndihmon, nuk zhvillon, nuk përfshin, nuk bashkon….

një flakë e ndezur konflikti që sjell regres përmes ndarjes dhe përvëlon secilin demokrat të zakonshëm, të tillin larg secilit interes të koniunkturës politike apo ofiqit të aspiruar, Por të munguar….

demokrati i zakonshëm që endet secilës rrugë të qyteteve të tjetërsuara nga “morti urban” i Rilindjes, i njëjti që nuk tjetërsohet. Por nuk mund të brohorasë inkurajimin e flakës që ndizet dhe që rrezikon të përfshijë secilin.

Secili është në të drejtën njerëzore të duartrokasë, Por nxehja e duarve nga të tillat duartrokitje duhet të jetë në rend të drejtë me ftohjen e mendjes…me një gjykim të shëndoshë që mund të dërgojë drejt mundësive të reja për të gjetur balancën e drejtë që përfshin dhe bashkon.

Nuk mund të ketë një fitore totale brenda së njëjtës familje politike…Nëse e tilla ndodh, Nuk i shërben as fituesit të së tillës.

Emocioni njerëzor është i mirëkuptuar….asfare i stisuri si i tillë, por duhet që të Gjithë bashkë me zërin që buron nga arsyeja të përpiqemi të mos ndezim më tej flakën që do na përfshijë të gjithëve, më herët apo pak me vonë, çështje kohe.

Debati i ndërtuar mbi të vërtetën ndihmon, konflikti i ndihmuar nga gjysmë të vërtetat rrezikon të prezantojë një realitet pa dashur te sajuar.

Është detyra njerëzore, qytetare dhe politike e secilit përfaqësues Të rëndësishëm që të ndihmojë ne parandalimin e një spiraleje negative që do të dërgonte drejt përçarjes….

shpresoj që në qendër të vëmendjes do të jetë mendimi për demokratin e zakonshëm, i tilli që Nuk brohoret dot për të inkurajuar një ndasi.

Bashkë qëndrojmë, të ndarë rrëzohemi.