Kronika

Përcaktohen gjyqtarët që do shqyrtojnë dosjen e Klement Balilit














Bëni LIKE faqen zyrtare në Facebook
               Publikuar në : 11:18 - 30/01/19 |
mapo.al

Në Gjykatën e Krimeve të Rënda u hodh shorti për caktimin e trupës gjykuese që do të shqyrtojë dosjen e Klement Balilit.





Trupa gjykuese përbëhet nga një treshe gjyqtarësh, të kryesuar nga gjyqtarja Flora Hajredinaj.


Pak ditë më parë dosja për Klement Balilin shkoi në gjykatë. Ndërkohë Avokati i Balilit ka dorëzuar edhe një kerkesë për të proceduar me gjykim të shkurtuar. Pretendimi i mbrojtësit ligjor pritet të shqyrtohet ne seancën e parë të gjykimit te çështjes.




Në dosjen e prokurorise thuhet se nga informacioni i policisë, rezultonte se nga fundi i muajit Maj 2015 shërbimet ligjzbatuese greke dhe DEA- s në Athinë kanë qenë duke hetuar në lidhje me një organizatë kriminale për trafikimin e lëndëve narkotike e përbërë nga shtetas grekë, shqiptarë dhe nga vendet e Evropës Qëndrore.


Kjo organizatë kriminale merrej me trafikimin e lëndëve narkotike të llojit kokainë dhe kanabis sativa duke përdorur për transport kamionë që janë të regjistruar në vende të ndryshme të Evropës në pronësi të kompanive që zotërohen nga shtetas grekë dhe përdorin si përfaqësues të këtyre firmave njërëz të ndryshëm.


Balili nuk e ka pranuar akuzat ndërsa pas rreth dy vjet ne kerkim ai u vetëdorëzua në momentin kur dosja vajti për gjykim.

1


Etiketa: , , ,

Share
Mbyll
CLOSE
CLOSE
Pas