Aktualitet

I jepet lamtumira e fundit Oficerit të Policisë së Shtetit, Saimir Hoxha














Bëni LIKE faqen zyrtare në Facebook
               Publikuar në : 15:41 - 29/09/21 |
mapo.al

Mes dhimbjes dhe lotëve iu dha lamtumira e fundit oficerit të Policisë së Shtetit, Saimir Hoxha, i cili u vra ditën e djeshme gjatë një kontrolli anti-kanabis në zonën Kune-Vain, në Lezhë, nga 21-vjeçari Aldi Rama. 






Trupi i efektivit Saimir Hoxha do të prehet të prehet në varrezat e “Dëshmorëve të Kombit”. Ai u shpall pas vdekjes “Dëshmorë i Kombit” nga presidenti Ilir Meta.


Të pranishëm në ceremoninë e lamtumirës ishin familjarë, miq, të afërm, kolegë dhe zyrtarë të lartë të shtetit.










Ministri i Brendshëm Bledi Çuçi ka shprehur ngushëllimet për efektivin e policisë që humbi jetën ditën e djeshme në Lezhë.



Nga ceremonia e lamtumirës, Çuçi është shprehur se familja dhe fëmijët e efektivit Samir Hoxha do të kenë gjithmonë mbështetjen e shtetit. Ministri garantoi përkushtimin e shtetit për luftën ndaj krimit dhe korrupsionit.

“Kjo është një ditë tejet e trishtuar për të gjithë ne. Ju humbët djalin, babain dhe ne humbëm një punonjës fisnik në mbrojtje të rendit. Saimiri la kudo ku punoi përshtypjet më të mira. I qetë dhe i komunikueshëm me qytetarët dhe bashkëpunues me kolegët. Kjo humbje është një detyrim për të vlerësuar punën e tij dhe dëshmorëve të tjerë. Ju siguroj për përkushtimin tonë për të vazhduar luftën kundër korrupsionit dhe krimit. Në këtë ditë dhimbjeje ju jemi afër dhe do t’ju jemi pranë edhe për shumë vite. Fëmijëve do t’ju mungojë shumë babai i tyre por kurrë mbështetja e shtetit”– tha ministri Çuçi.

Lexo edhe :  VIDEO/ Hapet Rruga e Arbrit, Rama pritet me daulle dhe flamuj

Kreu i Policisë së Shtetit, Ardi Veliu se vrasja e nënkomisariat është një dhimbje e madhe jo vetëm për familjarët, por edhe për të gjithë policinë, por sipas tij, është edhe një burim force për të vijuar luftën ndaj krimit.

“Këtë pikëllim e kanë shprehur edhe në qindra mesazhe e komente nga dje e sot të dërguara në adresën e Policisë së Shtetit. Të nderuar familjarë të nënkomisar Saimir Hoxhës, ju nuk do të jeni vetëm asnjëherë, jeni pjesë e familjes së madhe, që është Policia e Shtetit, dhe do ju gjendemi përherë pranë.

Ky moment i ndarjes nga Saimiri është shumë i vështirë jo vetëm për familjen, por për gjithë policinë, por edhe burim force për të vijuar luftën kundër krimit. Përulemi para trupit të heroit, duke premtuar se nuk na step asnjë moment frike. Çdo vështirësi vetëm na qartëson rrugën, ku të ecim për një shoqëri më të sigurt e më të mirë. U prehsh në paqe miku ynë, të paharruara do të jenë përjetë kujtimi dhe vepra jote”, tha Ardi Veliu.

1


Etiketa: , , ,

Pas