Ka përfunduar procesi i numërimit në Akademinë e Shkencave. Në total kanë votuar 43 anëtarë të Akademisë, 11 prej tyre me anë të postës. Akademiku Skënder Gjinushi është zgjedhur kryetar i Akademisë së Shkencave. Akademiku Vasil Tole zgjidhet zv.kryetar i ASH-së me 35 vota pro. Në pozicionin e sekretarit shkencor të ASH-së, është zgjedhur akademiku Salvator Bushati me 35 vota pro, ndërsa në pozicionin e kryetarit të seksionit të Shkencave të Natyrës, është zgjedhur Neki Frashëri me 37 vota pro.
Nuk mori pjesë në votim akademiku Artan Fuga, i cili i quajti zgjedhjet në ASH një farsë.
“Detyra dhe përgjegjësia kryesore e gjithkujt që kërkon dhe ka nderin të bëhet pjesë e drejtimit të Akademisë së Shkencave të Shqipërisë, të këtij institucioni elitar të shkencë. Kam besimin se së bashku me Ju, së bashku me prurjet e reja dhe me bashkëpunëtorët e jashtëm të rinj, që mundëson reforma, ne mund t’i realizojmë të gjitha objektivat që parashikon ligji”- tha Gjinushi para se të niste votimi.
Etiketa: akademia e shkencave, skender gjinushi kryetar
