Kryesia e Partisë Demokratike ka miratuar propozimin e Sekretarit të Përgjithshëm Gazment Bardhi që 13 qershori të jetë data e mbajtjes së zgjedhjeve për kreun e selisë blu. Tashmë është radha e Këshillit që ti japë dritën e gjelbër datës 13 qershor
Sekretari i Përgjithshëm i PD Gazmend Bardhi i ka propozuar Kryesisë dhe Këshillit Kombëtar mbajtjen e zgjedhjeve në 13 qershor, sipas parimit “një anëtar një votë”.
Bardhi ka deklaruar që procesi të hapet në 16 maj dhe vijon deri në 22 maj, ndërsa në datën 23 maj paraqiten kandidaturat. Fushata për lidershipin e selisë blu zgjat deri në 11 qershor, ndërsa në 13 qershor anëtarët demokratë u drejtohen kutive për zgjedhjen e kreut të partisë.
Propozimet e Sekretarit të Përgjithshëm të PD, Gazment Bardhi
Të analizojmë punën e secilit në një mbledhje të veçantë në Kryesi dhe më pas në çdo qendër votimi. Në këtë parti nuk ka asnjë njeri të padobishëm.
I propozoj Kryesisë fillimisht procesin zgjedhor për kryetar të PD. Secili prej anëtarëve të Kryesisë që ka shpallur ambicien të ketë mundësinë ta shpjegojë vizionin e tij në institucione, pa paragjykuar askënd, një garë të drejtë e të barabartë, ku demokratët të gjykojnë lidershipin aktual dhe 16-22 paraqitja e kërkesës për kandidim nga ata që përmbushin kriteret. 24 maj-11 qershor fushatë në të gjitha strukturat. 13 qershor, zgjedhjet sipas parimit “një anëtar, një votë”.
Propozimet për Komisionin që do të jetë përgjegjës për zgjedhjet për kryetarin e demokratëve
Komisioni Zgjedhor
Kryetar
Jemin Gjana
Anëtar
Albana Vokshi
Belind Këlliçi
Eno Bozdo
Mimoza Hasekiu
Albert Avduli
Gjoke Vuksani
Ndihmës
Ervin Minarolli
Lulzim Omuri
Etiketa: Kryesia e PD miraton 13 qershorin, Përfundon mbledhja
