Ka përfunduar rinumërimi i 114 kutive të Qarkut të Beratit në KAS.
Nga ky rinumërim, LSI u rrit me 15 vota, ndërsa PS u ul me 18 vota.
Diferenca për lëvizjen e mandateve shkon në 58 vota, nga 77 që ishte nga numërimi në KZAZ-në e Beratit.
Këto shifra nuk mjaftojnë që LSI të marrë mandatin në Qarkun e Beratit, i cili mbetet i PS-së.
Ndarja e mandateve është e tillë: PS, 5 deputetë, PD 2 deputetë.
Mandati i pestë i PS, ishte edhe ai i kontestuari që i takon ministrit të Turizmit, Blendi Klosi, i cili megjithatë arriti të thyejë edhe herësin në zgjedhjet e 25 prillit.
