Partia Demokratike kërkon përjashtimin nga seanca plenare të Kryeministrit Edi Rama.
Por në mbledhjen e zhvilluar, kur ka vendosur për përjashtimin me 10 ditë të deputetit te PD-së, Endi Hasa, që qëlloi me vezë kryeministrin, Byroja nuk e ka marrë në shqyrtim kërkesën e grupit demokrat.
Burime nga Byroja thanë për Top Channel se shtyhet vendimi për përjashtimin e Ramës.
Ndërkohë, Partia Socialiste ka bërë kërkesë për përjashtimin e Nokës, Palokës dhe Strazimirit për fjalor fyes.
Këto dy kërkesa do shqyrtohen në një mbledhje tjetër, brenda 48 orëve.
Sipas PD, kërkesa për përjashtimin e kryeministrit është firmosur nga disa deputetë.
“Gjatë seancës Rama përdori fjalor fyes dhe denigrues ndaj grupit parlamentar të PD dhe deputetëve të veçantë të PD”, argumenton PD kërkesën e saj.
