Aktualitet

Përkeqësimi i pandemisë/ Kanadaja ndalon me 1 vit lundrimin e anijeve turistike














Bëni LIKE faqen zyrtare në Facebook
               Publikuar në : 13:59 - 06/02/21 |
mapo.al

Kanadaja ka zgjatur ndalimin e anijeve të lundrimit deri në shkurt 2022 për shkak të përkeqësimit të pandemisë, raporton CNN.





Kjo ndikon në udhëtimet e njohura në Kanada, duke përfshirë lumin St.Lawrence dhe Provincat Detare në anën e Atlantikut .


Por zgjatja e masave shtrënguese do të prekë gjithashtu Alaskën madje dhe Seatlle, Washington për shkak të afërsisë gjeografike.




Të enjten, më 4 shkurt ministri kanadez i transportit Omar Alghabra njoftoi se urdhrat e përkohshëm që ndalojnë mjetet lundruese në ujërat e saj do të jenë në fuqi deri në shkurt të vitit 2022.


Qeveria tha se “anijet e pasagjerëve që mbanin më shumë se 12 persona janë ende të ndaluara të hyjnë në ujërat bregdetare të Arktikut, duke përfshirë Nunatsiavut, Nunavik dhe bregun e Labradorit.”

Lexo edhe :  Kosovë - 17 viktima nga koronavirusi, ulje të infektimeve ditore

Ndikimi më i madh i këtyre masave do të jetë për personat që shijojnë përvojën e anijeve turistike në këto ujëra.

Anijet e lundrimit që transportojnë më shumë se 100 pasagjerë do të ndalohen të lundrojnë në ujërat kanadeze.

“Ndërsa kanadezet vazhdojnë të bëjnë pjesën e tyre për të zvogëluar përhapjen e Covid-19, qeveria jonë vazhdon të punojë shumë për të siguruar që sistemi i transportit të Kanadasë të mbetet i sigurt,” tha Alghabra në deklaratën e qeverisë.

“Ndalimet e përkohshme për anijet e lundrimit dhe anijet lundruese turistike janë thelbësore për të vazhduar të mbrojnë më të prekshmit midis komunitetit tonë.”

Nëse situata pandemike “përmirësohet mjaftueshëm” urdhrat mund të anulohen më herët se data e caktuar në shkurt të vitit 2022.

1


Etiketa: , ,

CLOSE
CLOSE
Pas