Aktualitet

Përleshet me ‘Shqiponjat’/ Arrestohet djali i humoristit Ismet Drishti














Bëni LIKE faqen zyrtare në Facebook
               Publikuar në : 14:28 - 04/12/21 |
mapo.al

Është arrestuar në orët e para të mëngjesit të sotëm, Agim Drishti, djali i humoristit Shkodran, Ismet Drishti.






Agim Drishti, person me rekorde të mëparshme policore, është ndaluar nga një patrullë e skuadrës “Shqiponja” në Tiranë.


Ndalimi i Agim Drishtit është bërë nga efektivët e grupit “Shqiponja”, të cilët kanë kërkuar fillimisht ta ndalojnë dhe më pas ta kontrollojnë.







Por Agim Drishti, ka refuzuar të ndalojë dhe ka shfaqur veprime kundërshtuese me forcë, duke goditur me grushta punonjësit e policisë së Tiranës, që shërbejnë pranë skuadrës “Shqiponja”.




Nisur nga kjo situatë dhe mosbindja e vazhdueshme e Agim Drishtit, është bërë shoqërimi me forcë nga policia.



Ndërsa mëngjesim e sotëm Agim Drishtit, i është komunikuar arrestimi për akuzën e “Kundërshtimit me forcë të punonjësve të policisë” dhe “Goditjes për shkak të detyrës të punonjësit të policisë”.

Ky është një rast i përsëritur nga Agim Drishti, që shfaq sjellje dhune ndaj forcave të rendit dhe qytetarëve. Ndërsa është çështja e rradhës penale që rregjistrohet kundër tij në prokurorinë dhe gjykatën e Tiranës.

Disa kohë më parë objekt i dhunës fizike u bë edhe Ismet Drishti,babai i të arrestuarit Agim Drishti, i cili u rrah në zonën e Yzberisht, nga disa të rinj të zonës.

Njoftimi i policise: Specialistët për Hetimin e Krimeve në Komisariatin e Policisë Nr. 2 bënë arrestimin në flagrancë të shtetasit A. D., 28 vjeç, pasi nuk i është bindur urdhrit të punonjësve të Policisë dhe gjatë shoqërimit në Komisariat, ka ushtruar dhunë ndaj tyre.

13


Etiketa: , , , , ,

Pas