Zbardhen të tjera detaje nga aksidenti tragjik mesditën e djeshme që i mori jetën një vajze 10 vjeçe në zonën e Alliasit në kryeqytet.
Alban Guri i cili drejtonte automjetin që përplasi të miturën, mësohet se ka qenë i dehur në timon. Ai ka rezultuar nën efektin e alkoolit në masën 0.40 mg/l. Pas aksidentit drejtuesi i automjetit u largua nga vendi i ngjarjes, për t’u ndaluar më pas nga policia.
Sot atij i është komunikuar arrestimi nga uniformat blu pas administrimit të provave.
A.P., 10 vjeçe ishte me gjyshen e saj kur u përplas për vdekje në rrugën “Njazi Meka”. Drejtuesi i automjetit ka deklaruar në polici se vajza i kishte prerë rrugën dhe nuk kishte mundësi manovrimi.
Ndërsa babai i të miturës u shpreh sot se automjeti lëvizte me shpejtësi të madhe në një rrugicë lagjeje. Ai bën thirrje për drejtësi.
LEXO EDHE:
E mitura u përplas për vdekje pranë shtëpisë – I ati: Ia lë shtetit në dorë
