Kuvendi i Shqipërisë ka njoftuar se do të mbajë ditën e nesërme një seancë të jashtëzakonshme në orën 10:00. Vendimi u mor sot në mbledhjen e kryetarëve. Kuvendi pritet të marrë një vendim për Marsida Xhaferllarin, të cilën Meta e dekretoi si anëtare të Kushtetueses.
Për të njëjtin vend në Kushtetuese tashmë janë dy emërime të ndryshme: Arta Vorpsi, e cila hyri automatikisht me botimin në Fletoren Zyrtare dhe Marsida Xhaferllari e cila u dekretua nga Meta. Vorpsi u betua sot si anëtare e Gjykatës Kushtetuese tek noterja, ndërsa shmangu kështu betimin në Presidencë. Për këtë ka reaguar edhe Presidenca, e cila tha se Ilir Meta nuk ndalon askënd të betohet tek noterja apo dhe tek parukierja, por tha se ai njeh vetëm ligjin dhe Kushtetutën.
Etiketa: Arta Vorpsi, Kushtetuese, Marsida Xhaferllari, parlament
